استضافة وبث فيديو للسناتر والمنصات التعليمية في مصر. بتدفع بالجنيه على اللي بتستهلكه فعلاً، من غير اشتراك شهري ولا كارت بالدولار.
من غير كارت. فيديو تجربة لحد 100 MB و300 MB مشاهدة.
<iframe
src="bunny.smartsys.space/embed/a3f1…"
allowfullscreen>
</iframe>من رفع الملف لحد ما يشتغل على موقعك، من غير ما تدير سيرفرات ولا تفهم في الترميز.
ارفع بأي جودة، وبنطلّعه بأربع جودات مقسّمة HLS. الترميز مجاني.
الفيديو بيشتغل على الدومينات اللي بتحددها إنت، ومحدش غيرها.
كل قطعة متشفّرة، والمفتاح مابيتخزّنش مع الفيديو على الـ CDN.
اسم الطالب فوق الفيديو وبيغيّر مكانه، فمينفعش يتقص.
اربط OBS مرة واحدة، والبث بيتسجّل ويتحوّل لدرس في مكتبتك.
مجلدات جوه بعضها، بحث، وكود تضمين لكل درس على حدة.
كل درس استهلك كام، ومتوسطك اليومي، والرصيد كفاية كام يوم.
درس على يوتيوب؟ اربطه من غير رفع، وبيشتغل في نفس المشغّل.
تسجيل في دقيقة، من غير كارت.
مفيش فيديو على الإنترنت محمي ١٠٠٪، وأي حد بيقولك غير كده بيبيعلك وهم. اللي بنعمله إننا نخلّي السرقة مكلّفة، ولو حصلت تبقى عارف مين.
الفيديو بيشتغل على الدومينات اللي بتحددها إنت بس. حد نسخ كود التضمين وحطه على موقعه؟ بيجيله صفحة رفض، مش الفيديو. الفحص ده بيحصل على السيرفر قبل ما يتبعت أي بايت، مش في جافاسكريبت يتقفل من الـ devtools.
كل قطعة من الفيديو متشفّرة. الفرق المهم إن مفتاح فك التشفير مابيتحطّش مع الفيديو على الـ CDN — بيتخزّن عندنا مشفّر ومابيتخدمش غير بعد ما الطلب يعدّي فحص الدومين والتوكن. لو المفتاح متحط جنب الفيديو، التشفير كله بيبقى شكل من غير معنى.
اسم أو كود الطالب بيتطبع فوق الفيديو وبيغيّر مكانه كل شوية، فمينفعش يتقص من الكادر. لو الدرس ظهر على تليجرام، الاسم ظاهر في الفيديو نفسه.
بالجنيه المصري. من غير اشتراك شهري، من غير حد أدنى، ومن غير رسوم مخفية.
الدعم بالعربي ومن ناس شغالة على المنصة نفسها، مش تذكرة بتروح لطابور وترجعلك رد جاهز. لو فيه درس مش شغال عند طلبتك، دي مشكلة بتتحل دلوقتي مش بكرة.